Musika-hizkuntza eta akordeoiko irakaslea. Durangon jaioa 1979an. Akordeoiarekin hasi zituen bere ikasketak, Goi Mailako Akordeoiko Musika Irakasle titulua jasoz Bilboko Juan Crisóstomo de Arriaga Goi Mailako Kontserbatorioaren eskutik.

Musika Hezkuntzako Magisteritzan Diplomatua Euskal Herriko Unibertsitatean. Eusko Jaurlaritzak Musikako 1.mailako Gaitasun Agiria ere ematen dio. 

Edwin Gordonen MLT Teorian oinarritutako Musika Hezkuntza Goiztiarran aditua da eta “musika familian” saioak eskeintzen ditu  0-36 hilabeteko haurrentzat.

Bere formakuntza era jarraituan osatzen du musikako ikastaro ezberdinak burutuz, besteak beste: ahots teknikako ikastaroa, logopediako ikastaroa, akordeoiko master class-a, perkusiozko instrumentu birziklatuak, midi akordeoia, perkusioa ikasgelako baliabide gisa (Antonio Domingok emana), etab.

Akordeoiko kontzertu ezberdinetan parte hartu du bakarlari moduan.

Bere lan pedagogikoaren hastapenak Algortako San Nikolas Ikastolan (Getxo) ematen dira 1999an, musika-hizkuntza eta akordeoiko eskolak emanez. Aldi berean, zenbait ikastetxe publikoetan jardun du musika irakaskuntzan haur hezkuntza eta lehen hezkuntzako umeekin, eta baita ikasketa arautu zein ez arautuetako musika eskolatan ere.

2007ko ikasturtetik gaurdaino akordeoiko klaseak ematen ditu Gernikako Julia Foruria Erdi Mailako Kontserbatorioan.

Honekin batera, LUHARTZ musika taldeko abeslari eta instrumentu jole da 1999tik. Taldearen diskografiaren baitan “Lotu Barik” aurki dezakegu, San Nikolas Ikastolak (Algorta, Getxo) antolatutako Ibililaldia 2002ko kanta izan zena.